12 cinîyan ê fransizan bi nameyê 'Nous vous écrivons depuis la révolution: Récits de femmes internationalistes au Rojava' (Şorişî ra nata ma şima rê nusenê: Hîkayeyê enternasyoanlîstan ê cinîyan ê Rojawanî' kitabêk nuştbi ke kitab Şorişê Rojawanî ser o.

Kitab Swîsre de Zanîngehê Cenevre de 16ê kanûne de dîya şinasnayene. Wendekaranê zanîngehî eleqeyêko pîl mojna kitabî. Kitab qala şorişê Rojawanî keno ke rayberîya ci şerwanê cinîyî yê YPGyî kenê.

Kitab de nuşte, şîîr, hîkaye, mektub û roportajê 12 cinîyan estê ke nê cinîyî qasê 3 serran Rojawan de mendî.

Daşinasnayîşê kitabî de wina nuseno: ''No kitab waştiş û hewcedarîye ser o amade bi. Seba parekerdişê tecrube, raştkerdiş û hîsanê şorişî no kitab amade bi. No waştiş wexto ke hêvî, rindî û enerjî mumkîn bibê do warê hîrayî de bêro vilakerdene û debikewo mîyanê têkoşînê her cayê dinya. Mesuldarîya ma ya ke ma çîyo ke ma rê ameya qalkerdene, proje û raştîya ci ya şorişgêre bidê şinasnayene.''

Zanîngehê Cenevre de cinîyanê bi nameyê Maria û Marie kitab da şinasnayene. Înan derheqê kitabî de ANFyî rê qisey kerd û vat: ''Qasê 3 serrî ma Rojawan de mendî û îmkanê ma estbi ke ma şorişî tecrube bikerê. Ma waşt ma nê tecrubeyî dinya reyde pare bikerê. Kitab wina vejîya werte.''

Roja şemeyî kitab şaristanê Sionî de do bidîyo şinasnayene.