Koordînasyonê KJKyî mesajêk şawit mîtîngê Kolnî ke semedê azadîya Rayber Apoyî ame kerdene. Mesajê ra qismêk wina yo:

''Şarê ma yo erjîyaye

 Xeyrê têkoşînê şima û têkoşînê fedayî û qehremanî yê gerîlayan Rayber Apoyî reyde pêvînayîş ame kerdene û derheqê weşîya ci de zanayîş ame girewene. Ma selam û heskerdişê Rayberîya xo girewtî. Ma do bi serkewtişî cewabê nê selaman bidê û bikerê wesîleya Rayberîye reyde têhetameyîşî. Tecrîdê serê Rayber Apoyî dewam keno.

Kayêko leymin o newe yeno kaykerdene. Çareserîye nê konseptê teslîmîyetî fînayo dewre. Xora tewr peynî de bi cakerdişê qeyûman mojna ra ke îradeyê şarê kurdî nas nêkenê, herinda çareserîye de polîtîkayanê qirkerdişî domnenê. Bi şiknayîşê tecrîdî ma eşkenê nê konseptî betal bikerê. Bi nameyê kurdan muxatabê çareserîye têna Rayber Abdullah Ocalan o.

Ma sey Têgêrayîşê Azadîye yê Cinîyan ê Kurdîstanî vanê ke teberê azadîya fîzîkîye ya Rayberîya ma de ma qet yew qerar, nizdîbîyayîş û tewirî qebul nêkenê. Ma vanê ke nika wextê ci yo ke ma bi şiknayîşê tecrîdî têkoşînê xo tacîdar bikerê.Wextê ci yo ke ma têkoşînê xo ser bifinê û Rayberîya xo û Kurdîstanî azad bikerê.''