Endamê Koma Çep a Ewropa û Endamê verênî yê Parlamentoyê Ewropa Jurgen Kluteyî derheqê waştişê azadîya seba Rayberê Şarê Kurdî Abdullah Ocalanî de ANFyî rê qisey kerd.

Kluteyî ard ziwan ke tecrîdê vera Rayberê Şarê Kurdî Ocalanî qetî nêno qebulkerdene.

Kluteyî dîyar kerd ke o zî paştî dano Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' û vat: ''Ganî şertê Îmraliyî bêrê vurnayene. Ma dî wextê prosesê haştîye yê 2013î de Ocalanî rolê bitesîrî kay kerdî. Coka ez bawer kena ke Parlamentoyê Ewropa (PE), Konseya Ewropa (KE) û Neteweyê Yewbîyayeyî (NY) paştî bidê waştişê azadîya Ocalanî. Seba haştîye û çareserîya meseleya kurdan azadîya Ocalanî girîng o. Ganî sîyasetmedarê Ewropa na babete de cidî bibê û azadîya Abdullah Ocalanî bîyarê ca.''

Kluteyî hêrişê dewleta tirke yê vera Rojawanî û tewirê Ewropa yê vera nê hêrişan wina ercnayî: ''Hêrişê vera Rojawanî bibpaykerdişê heqan û huqûqê globalî yo. Nê hêrişî vera binawanî, sivîlan û dezgehan yenê kerdene. Eke ma Rûsya derheqê şerê Ukrayna de sûcdar kenê ganî ma bi heman hewayî Tirkîya zî sûcdar bikerê. Ganî Tirkîya bêra rexnekerdene ke wa hûrmetê heqanê merdiman û huqûqê globalî bikera û hêrişanê xo yê vera Rojawanî vindarna.''