Kongreya Neteweyî ya Kurdîstanî (KNK) roja diyîne ya Heyetê Pêroyî yê xo yê 22. de bi wesîleya hêrişê îşxalî yê dewleta tirke yê vera Metîna eşkerayîye daye.

Hemsereka KNKyî Zeynepe Murad eşkerayîye wende. Eşkerayîye de heme hêriş û operasyonê îşxalî yê dewleta tirke ameyî şermezarkerdene û bi nameyê heme partî û hetanê ke heyetê pêroyî de ameyî têhet sere de Başûrê Kurdîstanî veng dîya heme partî û hetanê Kurdîstanî:

“Semedê çînkerdişê şarê ma hêrişê îşxalî û operasyonê leşkerî dîyayî destpêkerdene, dişmenanê ma reyna qerar girewt ke şar û herra ma bikerê mîyanê şerêkê girdi. Wina aseno ke vizêrna operasyonê hîra dîyayo destpêkerdene. Ma tîya ra reyna kesanê ke tîya de yê nê hêriş û operasyonan şermezar kenê û bi vengê kurdan û kurdîstanijê îşxalî rê vanê nê. Ma do destur medê ke herra Kurdîstanî bikewo hegemonyaya îşxalkeran.

Dewleta tirke bi nê hêrişî sere de statuyê Başûrê Kurdîstanî, wazena destkewteyanê Kurdîstanî çîn bikero. No şer şero gird û topyekun o. Coka vera ci zî tewirê topyekun û seferberîye hewce keno. Her hetî ra şarê ma bitaybetî şarê ma yê Başûrê Kurdîstanî , heme partîyî qet çew zî ganî leteyê nê komployê xirabînî, nê şerî mebo. Ma nê xoverdayîşî erjîyaye hesibnenê. Coka ma zerrîya safî ra paştî de têkoşînê şarê xo û yê şervananê azadîye.”