Bremenî yê Almanya de hetê YXK û YJK'yî ra çalakîya, ''Ankaras puppenkîste auf Deutschland'' ameye viraştene. Namzedê Parlamentoyê Ewropa yê Dîe Lînke Mazlûm Koçî bernameyî de, ke bi desan wendekarê unîversîteyan amede bîyî, qisey kerd û bale ante serê grevê vêşanîye û rojeyê mergî yê seba wedaritişê tecrîdê girankerdeyî yê serê Rayberê Şarê Kurdî Abdullah Ocalanî.

Koçî vat, ê şaranê mazlûman ra paştdayîş gênê, da zanayene kesê ke 16 serrî yê zî eşkenê raya xo bişuxulnê û waşt ke Yewşeme her kes şoro sindoqan ser.

Koçî vengdayîş kerd ke her kes tewrê rayraşîyayîşê ewroyî bibo ke hetê xeylî dezgehanê demokratîkan ra yeno organîzekerdene û vat, “Weçînayîşê Yewşeme de raya xo ya seba şaran bidê ma.”