5ê hezîrana 2012î ra nata verê Konseya Ewropa ya Strasbourgî de semedê azadîya Rayberê Şarê Kurdî Abdullah Ocalanî çalakîya Nobeta Azadîye yena kerdene.

Hewteyê 496. de endamanê Merkezê Komelê Demokratîkî yê Kurdan ê Aarauyî Nobeta Azadîye ya seba Rayberê Şarê Kurdî Abdullah Ocalanî dewr girewte. Kome de kurdîstanijî Cevahîr Gurdegîr, Kadrî Karadenîz, Abdullah Demîrbaş û Serdar Turan ca gênê.

Nameyê kome ser o Serdar Turanî qisey kerd û pare kerd ke 10 serrî yo ê na çalakîye rê dewam kenê. Turanî vat: ''Na çalakîya emrderge vera dezgehanê hemkaranê Komployê Mîyanneteweyî de dewam kena. Coka çalakîya ma tarîxî ya. Armancê na çalakîya caardişê azadîya Rayberîye yo.''

Turanî îfade kerd ke welatê ke îdîaya demokrasî û heqanê merdiman kenê wexto ke babete bena îdîaya xo nêanê ca. Turanî vat: ''Rayberê ma bi serran o binê tecrîd û esaretî de yo û çend serrî yo nêeşkeno keye û avûkatanê xo bivîno. Nêbeno ke rewşa şarê kurdî yê Rayberîye ra cîya bêra ercnayene.''

Turanî ard ziwan ke bêvengîya hêzan ê mîyanneteweyîyan cesaret dana dewleta tirke  û venga pêro kurdan û dostanê înan da ke wa xoverdayîşê vera tecrîdî rê dewam bikerê.