Nobeta Azadîye semedê azadîya Rayberê Şarê Kurdî Abdullah Ocalanî 10 serrî yo şaristanê Strasbourgî yê Fransa de yena kerdene. Hewteyê 485. de koma Darmstadtî Nobeta Azadîye dewr girewte.

Koma Darmstadtî de kurdîstanijî Nadîr Bîngol, Zekîye aktaş, Selîm Ogan û Fevzî Ozçelîk ca gênê. Nameyê kome ser o Nadîr Bîngolî qisey kerd.

Bîngolî vist vîrî ke Komployo Mîyanneteweyî ho dekeweno serra 23 û vat: ''Ma rê şerm o ke Rayberê ma 23 serrî yo binê esaretî de yo. Bîngolî hêrişê polîsanê Fransa yê vera çalakîya Strasbourgî şermezar kerde.

Bîngolî îfade kerd ke Ewropa vera sûcanê Tirkîya bêveng a û pare kerd ke azadîye têna pê xoverdayîşî beno.

Bîngolî vat: ''Heta ke tecrîdê vera Rayber Ocalanî nêro wedaritene û azadîye nêameye caardene mumkîn nîyo ke meseleya kurdan bêra çareserkerdene. Ganî şarê kurdî tim vera qirkerdiş û îşxalê dewleta tirke çalakîyan bikero.''