Koma Drancyî Nobeta Azadîye dewr girewte

Nobeta ''Seba Ocalanî Azadîye'' ya ke 390 hewte yo dewam kena no hewte zî hetê komêka şaristanê Drancyî yê Fransa ra yena rayraberdene.

Nobeta ''Seba Ocalanî Azadîye'' ya ke 25ê hezîrana 2012î de verê bînaya Konseya Ewropa ya şaristanê Strasbourgî yê Fransa de dest pêkerd dewam kena.

Her hewte kurdê şaristananê cîyayan ê Ewropa tewrê çalakîye benê. Binê serd û varanî de zî çalakîye bi hawayêkê bêmabênî dewam kena.

Nobetdarê nê hewteyî komêka şaristanê Dranscyî yê Fransa ra ya. Kome Suleyman Kulen, Kadîr Nefes û Yusuf Alagoz ra yena meydan.

Çalakîkeran îfade kerd ke binê varan û serdî de zî ê do seba azadîya Rayberê xo çalakîya xo ra fek vera nêdê. Eşkerayîye de ame vatene: "Nameyê koma Drancyî ser o ma venga CPT, DMME û Konseya Ewropa danê ke wezîfeyanê xo bîyarê ca.