Kongreya Neteweyî ya Kurdîstanî (KNK) bi şîarê ''Têkoşînê Xelisnayîş û Azadîya Kurdîstanî De, Rayîrê Serkewtişî Yewîye yo'' şaristanê Den Haagî yê Danîmarka de kombîyayîşê xo yê dewrê mabênî da destpêkerdene. Kombîyayîş do di rojan dewam bikero.

Çar parçeyanê Kurdîstanî ra delegeyî temsîlkarê partî û rêxistinanê kurdan û xeylêk kurdîstanijî tewrê kombîyayîşî bîyî.

Hemserekanê KNKyî Zeynebe Murad û Ahmet Karamusî kombîyayîş de qisey kerd.

Zeynebe Murad dîyar kerd ke ganî sey KNKyî ê vera hêrişanê dewleta tirke tewirê xo bimojnê. Zeynebe ard ziwan de ganî tecrîdê vera Rayberê Şarê Kurdî Abdullah Ocalanî bêro wedaritene.

Ahmet Karamusî bale ante hêrişanê îşxalî ser. Karamusî venga PDKyî da ke hemkarîya dişmenî nêkero û seba yewîya kurdan bixebito.

Hemserekê KONGRA-GELî Remzî Kartalî qiseykerdişê xo de vist vîrî ke Rayberê Şarê Kurdî Abdullah Ocalanî ra hîrê mengî yo xeberêke nêna girewtene. Karamusî vat: ''Ewro pêro dinya wayîra Hemleya 'Abdullah Ocalanî rê Azadîye, Meseleya Kurdan rê Çareserîye' vejîyena. Çunke Abdullah Ocalan eşkeno çareserîya krîzanê Rojhelatê Mîyanênî bîyaro ca.''