Komeleya Azadîye (AZADÎ e.V) ya ke şêwirmendîya huqûqî ya Kurdanê ke Almanya de yê kena, seba ke hetê dezgehê îstîxbaratî yê Teşkîlatê Pawitişî yê Qanûnê Bingeyênî ra yena krîmînalîzekerdene, gerreyê înan kerd.
Rixmo ke Komeleya Azadîye goreyê qanûnanê Almanya ameya ronayene, serra 2011 ra nata hetê dezgehê îstîxbaratî yê Teşkîlatê Pawitişî yê Qanûnê Bingeyênî ra yena krîmînalîzekerdene. Vera na neheqîye komele îstîxbaratê Almanî da mehkeme.
Komeleya Azadîye (AZADÎ e.V) ya ke merkezê ci Kolnê Almanya de yo, serran ra nata şêwirmendîya huqûqî seba Kurdanê ke Almanya de yê kena. Na komele heqê pawitişî yê aktîvîstan û sîyasetmedaran rê hetkarîye kena û seba ke krîmînalîzasyonê serê Kurdan û sîyasetê qedexekerdişî wedaro kampanyayan rayra bena.
Raporan de ke îstîxbarat her serre weşaneno Komeleya Azadîye beşê 'radîkalîya xerîbîye' de sey hedef yena mojnayene. Komeleya Azadîye Hezîrana 2015'de ke raporo verên weşanîyabi, gerreyê teşkîlatî kerdibi. Beşanê yewîne yê hukmî dosya ser ci gêrayîş kerd û mehkemeya verêne ya Teşkîlatê Pawitişî yê Qanûnê Bingeyênî do Mehkemeya Îdareyî yê Berlînî de bêra kerdene. Komeleya Azadîye verê mehkemeye îzehetêk da û da zanayene ke raporê serrane de tesbîtê ke ameyî kerdene nehaq ê û ganî îstîxbarat taqîb ca biverdo. Yeno pawitene ke mehkemeya sibayî de qerarêk bêro dayene.
