Konfederasyonê Dezgehanê Kurdan ê Almanya (KON-MED) bi eşkerayîyêke venga pêro kurdîstanijan û dostanê înan da ke seba şayîya Newroze ya merkezîye 29ê adare de verê xo bidê Frankfurtê Almanya. 

KON-MEDî da zanayene ke bi şîarê ‘Seba komelêkê demokratîkî ma xo biresnê Rayberê Azadî’ Newroza merkezî ya Ewropa Frankfurt de do bêra kerdene. KON-MEDî pare kerd ke bingeyê ‘Perspektîfê komelê haştîyaneyî û demokratîkî’ de Newroze çarçewa pawitişê destkewteyanê komelkî û neteweyîyan de do bêra fîrazkerdene.

KON-MEDî veng da ke vera îşxal û kolonyalîzmî  bi ‘ruhê seferberîye’ wa her kes kom bibo û meydanan debikero.