Konfederasyonê Komelan ê Kurdîstanijan (KON MED) ê Almanya  pê şîarê 'Azadîya Serekî azadîya ma ya, wext wextê azadîye yo', 'Ma dezgehan azad bikerê, paradîgmaya azadîye awan bikerê û Serek Apoyî azad bikerê' kongreya xo ya diyîne kerde. Kongre de weçînayîşê dîwanî ame kerdene û raporo serrane ame wendene.

Federasyonê Komelan ê Kurdîstanijan (FCK), Federasyonê Kurdîstanijan ê Azadan (FED-KURD), Federasyonê Komelê Demokratîkî yê Kurdîstanijan (FED-DEM), Federasyonê Komelan ê Azadan (FED-MED), Federasyonê Komelê Demokratîkî yê Kurdîstanijan (FCDK-KAWA) zî tede 300 delegeyî tewrê kongre bîyî.  Die Linke, MLPD, Înîsîyatîfê Mereşî, Kongreya Înşaya Dêrsimî zî tewrê kongre bîyî.

Kongre de qiseykerdişan de bale ameye antene hêrişanê vera Zap, Metîna, Avaşîn û Mexmûrî ser û azadîya Rayberê Şarê Kurdî Abdullah Ocalanî ame waştene.

Kongre de Zubeyde Zumrut û Engîn Sever sey hemserekanê neweyan ameyî weçînayene û kadroyo newe yê îdareyî yê bi 27 kesan ame eşkerakerdene. Kongre pê tîlîî û sloganan qedîyaye.