Konferansê Ciwanan ê Dinya roja hîrêyîne de paytextê Fransa Paris de dewam keno. Roja 3. de konferans Katalonya ra Arrane û Înîsîyatîfê Ciwananê Rojhelatê Mîyanênî ra Medya kerdî meymanê xo.

Arrane ard ziwan ke sîstemo kapîtalîst xîret keno ke femînîzmî bişuxilno û vat: ''Binê nameyê entegrasyonê Yewîya Ewropa de heqê cinîyan bi nameyê 'heqanê merdiman û toleransî' yenê pêşkêşkerdene. Welatê sey Macarîstan û Brezîlya vera femînîzmî yê. Nê welatî femînîzmî sey kanwazîye û asanîye vînenê. La eke merdim babete fam bikero do bêro dîyene ke no sey kulturêkî yeno qebulkerdene.''

Medya zî îfade kerd ke Şorişê Rojawanî ra verî cuya cinîyan xirab bîya û cinîyî nêeşkayêne cuya xo ser o qerar bidê. Medya vat: ''Bi Şorişê Rojawanî têkoşînêko pîl dîya destpêkerdene. Efrînî ra heta Serêkanîyê. No têkoşîn vera beno pîlêr. Cinîyê Rojawanî hînî wayîrê xopawitişî yê. Ez wazena bale bianca hêrişanê dewleta tirke ser zî. Dewleta tirke bi teyarayanê keşfî hêrişê cinîyan ê serkêşan kena û bi taybetî cinîyan kena hedef. Nê hêrişî mezgê serdestîya camêrdan ê dewleta tirke eşkera kenê.''