Konferansê Konfederalîzmê Demokratîkî roja 3'ine de yo. Amerîkaya Başûre, Îngîlîstan, Efrîkaya Başûre û Fîlîpînan ra û zafê herêmanê bînan ê dinya ra akademîsyenî tewrê konferansî bîyî. Destpêkê roja hîrêyine ya konferansî de panelê bi nameyê "Mifteyê şorişan ê komelî; azadîya cinîye" ame viraştene.

Ser nameyê QSD'yî Rojda Felat û ser nameyê Têgêrayîşê Cinîyan ê Kurdî Hanim Engîzeke, Komîteya Ewropa ya Jineolojî ra Haskar Kirmizigul, Têgêrayîşê Femînîst ê Îtalya ra Gîada Bonu û Sereka Pêroyî ya ARCI Francesca Chîavaccî sey qiseykerdoxan beşdarê konferansî bîyî.

Hanim Engîzeke bale ante serê girîngîya tarîxî ya têkoşînê cinîyan û konfederalîzmê demokratîkî û behsa kokê tarîxî yê nêtêduştîya cinîye û camêrdî kerde. Engîzeke parbe kerd ke sîstemê hukumdarî ya camêrdan ê mewcûd "şerê verba şorişê cinîyan" û vat, "Ma meseleyê azadîya cînîyan sey azadîya cuye, azadîya şaran vînenê."

Derheqê hewcedarîya xoverdayîşî yê Ewropa, xoverdayîşê herêmîyan, stratejîya Ocalanî û konfedaralîzmê demokratîkî  yê alternatîfê netewe-dewlete de panelêk do bêro viraştene. Nuştox û rojnamegere Debbie Bookchîne, rojnameger Ferda Çetîn, Îtalya ra Gîuesppe Caccîa, Meksîka ra Marîbel Cervantez Cruze do dewrê panelî bibê. Avûkatanê Ocalanî ra Newroz Uysale, parlamentera HDP'yî ra Dîlan Dîrayet Taşdemîre û kampanyaya Ocalanî rê Azadîye ra îdarekarê kampanya yê Îtalya do tewrê panelî bibê.