Dîwanê Hemsrekîye yê KONGRA-GELî  derheqê di kurdanê şorişgêran ê ke hetê Armenîstanî ra teslîmê Tirkîya bîyî de eşkerayîye daye û nê pare kerdî:

‘’Di ciwanê kurdê şorişgêrî Atila Çiçek ( Leheng) û Huseyin Yildirim (Alîşer) gama ke semedê xebatanê têkoşînê azadîye yê şarê Kurdîstanî şîyî Armenîstan, 2021 de hetê hêzanê asayîşî ra ameyî destbendkerdene.  Netîceya muhakemekerdîşî de mehkeme wird şorişgêrî serbest veradayî la rixmê qerarê mehkeme wird kurdê şorişgêrî nêameyî veradayene û nimite teslîmê dewleta tirke bîyî.

Berpirsîyarê wezîrîya edaletî ya Armenîstanî avûkatanê dezgehanê kurdan ê ke dewa teqîp kenê xapînenî û raştîyan nimnenê. Çapemenîya Tirkîya de xebere vejîyaye ke nê wird kurdî ameyî tepiştene. La çapemenîya Tirkîya sey tim xebera zûre daye û vat ê sînor de ameyî tepiştene. Badê na xeber rîyo raşt ê hukmatê Paşînyanî kewt werte. Hukmatê Paşînyanî pê bazarîyanê leyminan bi hukmatê faşîstî yê AKP-MHPyî  wird kurdê şorişgêrî Leheng û Alîşer teslîmê dewlata tirke kerdî. No têna vera kurdan nê vera armenîya zî îxanet o.  

Dewleta tirke sey vizêrî ewro zî vera kurdan û armenîyan polîtîkaya qirkerdişî rayra bena. Rixmê naye hukmatê Paşînyanî wina hemkarîya lemine kerde. Ganî roşnvîrê hîsgêrî û dormeyê sîyasî û komelê sîvîlî vera nê bêveng memamê. No heme şarê herême rê îxanet o, bêrumetîya pîl a. Hemkarîya Erdogan û hukmatê Paşînyanî têna şarê Armenîstan û herême rê zulm û mergî ana. Coka ganî heme şarê herême vera na hemkarîya leymine, nê îxanetî vengê xo berz bikero. Ganî vera nê îxanetî sere de şarê armenî her kes tewir bigêro û qet çew bêveng memano. Seba ke no siyaset û zîhnîyeto faşîst bêro rijnayene ganî her kes hîsgêr têbigêro.’’