Merkezê Îrtîbatî û Çapemenîye yê HPGyî bi eşkerayîyêke da zanayene ke embazê înan Leheng û Alîşer hetê Armenîstanî ra teslîmê Tirkîya ameyê kerdene.

Eşkerayîye wina ya:

''Menga tebaxe ya 2021î de embazê ma Leheng û Alîşêr nêzdîyê sînorê Armenîstanî de wexto ke wezîfeyê xo ser bîyî raştê hêzanê Armenîstanî ameyî. Embazê ma seba ke serebûtêko negatîf nêqewimîyo bi hîsgerî têgêrayî la ameyî destbendkerdene û tepiştene. Embazanê ma vera dewaya vera înan bi rayîrê huqûqî têkoşîn kerd û 23ê sibata 2022yî de Mehkemeya Temyîze ya Armenîstanî înan ser o bira veradîyayîşî daye. Embazê ma goreyê huqûqê mîyanneteweyî û qanûnanê Armenîstanî ganî biameyêne veradayene hetê îstîxbaratê Armenîstanî ra ameyî tepiştene. Embazê ma Alîşêr û Leheng qasê yew menge verî hetê Armenîstanî ra teslîmê dewleta tirke ameyî kerdene.

Dewleta Armenîstanî bi nê serebûtî hem huqûqê xo hem zî qanûnê mîyanneteweyî binpay kerdî. No seba Armenîstanî şerm o ke şorişgêrê Kurdîstanî yê ke seba azadîya şarê xo têkoşîn kenê wina teslîmê dewleta tirke keno.

Wird embazê ma bi nê hawayî kewtî destê dewleta tirke. La medyaya şerê taybetî ya dewleta tirke no serebût sey operasyonêkê serkewteyî yê MÎTî servîs kerd. Seke ma eşkerayîya xo ya 14ê êlula 2022yî de pare kerdbî ke şexsê bi nameyê Hatîp û Arîa dima ke îxanetê partîya ma kerd, kewtî destê dewleta Iraqî û seba menfatean zî teslîmê Tirkîya ameybî kerdene. MÎTê tirkan bi hewayêkê acizî seba ke îtîbarê xo apey bigêro îmkananê dewleta tirke pêşkêşê hêzanê bînan keno ke vera têgêrayîşê ma tay netîceyan bivisno destî û bi nê hewayî xo sey serkewteyî bimojno. Werte de yo ke nê hîkayeyê serkewteyî yê zûrayînî serê maseyan de bi senaryoyanê sexteyan nusîyenê raşt nîyê. Wa şarê Kurdîstan û Tirkîya nê zûranê MÎTî rê îtîbar nêkerê.''