Kopenhag û Bochum de hêrişê dewleta tirke ya îşxalkere yê vera Rojawanî ameyî protestokerdene. 

Paytextê Danîmarka Kopenhag de mîtîngêk ame kerdene. Mîtîng de alê YPG û YPJyî û fotografê Rayberê Şarê Kurdî Abdullah Ocalanî ameyî akerdene. Çalakîye de bêvengîya warê mîyanneteweyî ya vera hêrişan zî ameye şermezarkerdene.

Şaristanê Bochumî yê Almanya de hêrişê vera Rojawanî bi mîtîngêkî ameyî protestokerdene. Mîtîng de sloganê sey “Bîjî Serok Apo”, “Bijî berxwedana gerîla”, “Bijî berxwedana Rojava” û “Gelê Rojava ne bi tenê ye” ameyî vatene û vilawekî ameyî vilakerdene. Mîtîng de veng dîya ke wa paştî bêra dayene Şorişê Rojawanî.