Kurdîstanijê Hollanda û Belçîka  Manîfestoyê Polîtîk û Kulturelî yê Den Haagî de ameyî pêser.

Manîfesto de ke babeta ci xoverdayîşê Heftanînî yê vera îşxalê dewleta tirke bîye, Partîya Karkeran a Hollanda ra Wekîlê Parlamentoya Ewropa Kati Piri û Wekîlê verênî yê HDPyî yê Şirnexî Faysal Sariyildizî zî qisey kerd.

Manîfesto de ke bi şîarê 'Abdullah Ocalanî rê Azadîye' ame kerdene, xoverdayîşê Heftanînî ame selamkerdene.

Warê Manîfestoyî de Meclîsê Cinîyan ê Ronahî û Weqfa Cinîyan ê Azadan a Mîyanneteweyîye derheqê şîdetê vera cinîyan de pêramotişêkê resiman akerd û tay zanayîşî dayî.

Derheqê tecrîdê vera Rayberê Şarê Kurdî Abdullah Ocalanî de zî xeyma zanayîşdayîşî ameye akerdene.

Wekîl Kati Piriyî qiseykerdişê xo de îfade kerd ke Tirkîya de demokrasî çin a û vat: ''Vera kerdişanê bêhuqûqan cayê ma hetê kurdan o.''

Faysal Sariyildizî zî venga her kesî da ke azadîya Rayberê Şarê Kurdî Abdullah Ocalanî bîyarê ca û paştî bidê xoverdayîşê Kurdîstanî. Sariyildizî vat: ''Ganî kurdî vera plananê îmhakerdişî xo rêxistin bikerê.''

Manîfesto de Engîn Xelîkan, Kewê, Bengîn Agirî, Sîmar, Koma Şeladizê, Alî Dildar, Bagerê Zînê vejîyayî sehne ser.