Kurdan Ewropa de vera hêrişanê îşxalî û tecrîdî çalakîyî kerdî û selam da xoverdayîşê gerîlayan.

Bordeaux

Aktîvîstanê Têgêrayîşê Ciwanan ê Şorişgêran (TCŞ) tecrîd û hêrişê îşxalî şermezar kerdî. Çalakîye de pankarta 'Ciwanî fedayîyê Rayber Apoyî' û 'Ocalanî rê Azadîye' ameye akerdene. Ciwanan ard ziwan ke ê hetê gerîlayan de yê û xoverdayîşê gerîlayan selam kerd.

Paris

Aktîvîstanê TCŞyî Paris de pê çalakîyêka rayraşîyayîşî hêrişê îşxalî şermezar kerdî. Ciwanan fotografê Rayberê Şarê Kurdî Abdullah Ocalanî akerdî û alaya PKKyî akerde. Ciwanan dima verê Şaredarîya Drancyî de eşkerayîyêke daye û îfade kerd ke ê xoverdayîşê xo de qerardar ê.

Helsinborg

Şaristanê Helsinborgî yê Swêdî de kurdîstanijan derheqê hêrişanê îşxalî yê dewleta tirke de eşkerayîyêke daye. Eşkerayîye de xoverdayîşê gerîlayan ame selamkerdene û venga pêro kurdan ame dayene ke wayîrê xoverdayîşê gerîlayan vejîyê.