Kurdîstanijî û dostê înan seba mîtîngê Strasbourgî vera tecrîdê serê Rayberê Şarê Kurdî Abdullah Ocalanî verê Konseya Ewropa û CPTyî de yenê pêser. Kurdan venga CPTyî da ke wa vera tecrîdî erkê xo bîyaro ca.
Mîtîngê Strasbourgî yê Fransa ra verî Hemserekê KCDK-E Engîn Sever û Hemserekê DEM-NEDî Engîn Yurtseverî ANFyî rê qisey kerd.
Engîn Severî vist vîrî ke Rayberê Şarê Kurdî vîst û panc serrî yo binê tecrîdê Îmraliyî de yo û şarê kurdî zî verê dezgehanê Ewropa de vera tecrîdî çalakîye de yo.
Severî vat: ''Waştişê şarê kurdî no yo; Rayber Apo nasnameyê kurdan o. Ganî Komîteya Vergirewtişê Îşkenceyî û Konseya Ewropa cewabê ney bidê; Îmrali de se beno? Şarê kurdî her ca de vera tecrîdî çalakîyan keno. Ganî CPT û Konseya Ewropa peynîya bêvengîya xo bîyarê.''
Engîn Yurtseverî vat: ''Têkoşînê azadîye yê kurdan şexsê Abdullah Ocalanî de aseno. Ewro azadîya ey azadîya ma ya. Hinî wedarîyayîşê tecrîdî bes nêkeno ganî ma azadîya Rayber Apoyî bîyarê ca. No hem erk hem zî mesuldarîya ma ya.''
