Kongreya Komelê Demokratîkî ya Kurdîstanijan ê Ewropa (KCDK-E) bi eşkerayîyêke pare kerd ke  vera tecrîdê Îmraliyî, seba şiknayîşê bêvengîya Konseya Ewropa û CPTyî ê do çar hetanê dinya de 5-6-7ê tebaxe de çalakîyanê roniştişî bikerê. 

KCDK-E vat: ''Rayberê Şarê Kurdî Abdullah Ocalan 25 serrî yo tecrîdkerde yo. CPT û Konseya Ewropa agahîyanê serê rewşa Rayber Apoyî eşkera nêkenê. 4 serrî yo Rayber Apoyî ra xeberêke zî nêameya girewtene. Bi cezayanê dîsîplînî pêvînayîşî yenê astengkerdene ke bingeyê nê cezayan pûç o.

Îmrali de xoverdayîşêko pîl est o. No xoverdayîşê Rayber Apoyî pêro dinya rê vila beno. Dewleta tirke ya faşîste tecrîd de israr kena la şarê kurdî nê sîstemê tecrîd û îşkenceyî qebul nêkeno. Coka ganî sere de CPT û Konseya Ewropa seba ke dezgehanê eleqedaran rê teda bêra kerdene têkoşînê ma dewam keno. Nê esasî ser o ma Ewropa, Îngilîstan, Kanada û Avusturalya de dostanê xo reyde çalakîyanê roniştişî bikerê.

Seba çalakîyanê roniştişî yê 5-6-7ê tebaxe ma venga şarê xo, dostanê xo, cinîyan, ciwanan, kokiman û domanan danê ke bi hawayêkê aktîfî beşdarê nînan bibê.''