Yewîya Hêzî ya Demokratîke ya Brîtanya bi merasîmêkî qurbanê Qirkerdişê Mereşî, Qirkerdişê Roboskî, Qirkerdişê Zîndanan ê 19ê Kanûna 2020î yad kerdî. Merasîm Merkezê Kulturê Elewîyan ê Îngilîstanî de ame kerdene.

Sere de Osman Baydemîr, hemserekê rêxistinanê elewîyan, endam û îdarekarê rêxistinanê komelê sivîlî xeylêk kesî tewrê merasîmî bîyî. Merasîm de verî seba qurbanan 'çirayî' ameyî tavistene.

Hemserekê HDPyî yê Îstanbulî Ferhat Encuyo ke Qirkerdişê Roboskî de 27 merdimê ci ameyî qetilkerdene pê Skype tewrê merasîmî bi û qisey kerd. Encuyî vat: ''Wextê qirkerdişî de ma şîdet dî, tepişîyayî, ameyî destbendkerdene. No mesajê qirkerdişan ê neweyan bi. Dewlete seba qirkerdişî vat 'şaşîtîyêka pîle.' Çew nêame muhakemekerdene. Ma do têkoşînê 'seba Roboskî edaletî' ra qetî fek vera nêdê. Mesuldarê nê qirkerdişî îqtîdar û sîstemo nikayên o. Huqûq de hêvî çin a. Ma do xoverdayîşî de, şexsê Roboskî de hesabê pêro qirkerdişan bipersê.''

Qiseykerdişî ra dima derheqê Qirkerdişê Roboskî de sînevîzyonêk ame mojnayene û hunermendan şiwarî vatî.

Osman Baydemîrî zî Roboskî ser o qisey kerd û dima bername qedîya.