Luzern: Verê merganê dengizan bîgêrê
Luzern de semedê macîranê ke rayîrê Ewropa de dengizan de mirenê çalakîya protestoyî ameye kerdene. Çalakwanan vat, “Ê şîdetê şima ver remenê, înan sûcdar mekerê, verê merganê dengizan bîgêrê.”
Bajarê Luzernî yê Swîsre de qirkerdişê macîr û multecîyan ê Yunanistanî ame protestokerdene.
Pîya bi NoFrontex, Solinetz, AutonomeSchule xeylêk dezgehê komelê sîvîlî û macîran tewrê çalakîye bîyî. çalakîye ame waştene ke wa semedê her kesî sînorî bêrê akerdene. Qiseykerdişan de ame vatene ke esil sebebê tradejî polîtîkaya Yunanistanî ya vera multecîyan a. Reyna ame vengdayene ke kesê ke şîdetî ver remenê wa merê sûcdarkerdene, wa rîyê mergê xo ra merê sûcdarkerdene. Wa sînorê Ewropa bêrê rijnayene û verê merganê dengizan bêro girewtene.
