Endama Têgêrayîşê Cinîyan ê Kurdan ê Fransa (TJK-F) Done Guzel û Endamê Dîwanê KCDK-E Murat Ceylanî bi rayîrê ajansê ma venga pêro kesan da ke 11ê çeleyî de tewrê rayraşîyayîşê Parisî bibê.

Done Guzel vat: ''Wexto ke 9ê çeleyê 2013î de Sakîne Cansiz Qirkerdişê Parisî de amebî qetilkerdene Rayber Apoyî vatbi ke 'Ha Sakîne kişîyaya ha ez!' Yanî Rayberîye vatêne ke bi Qirkerdişê Parisî têgêrayîşê ma ame hedefkerdene. Seba ke no qirkerdiş nêame roşnîkerdene Qirkerdişê Parisî yo Diyîn ame kerdene. Ma seba roşnîkerdişê nê qirkerdişan bi serran o têkoşîn kenê. Ma ancî 11ê çeleyî de Paris de rayraşîyayîşêkê pîlî bikerê. Ma do hesabê qirkerdişan û hêrişanê vera Rojawanî bipersê. Ma venga cinîyan, kurdîstanijan û dostanê xo danê ke tewrê rayraşîyayîşî bibê. ''

Murat Ceylanî vat: ''Dewleta Fransa seba roşnîkerdişê Qirkerdişanê Parisî qetî tênêgêraye. Şarê kurdî dinya belaya DAÎŞî ra xelisnaye. Coka komelê Fransa zî deyndarê kurdan o. Ma do 11ê çeleyî de bi şîarê 'Kiştox dîyar o, Fransa çira bêveng a' Gare De Norde de rayraşîyayîş bikerê. Ganî ma têkoşînê şehîdan berz bikerê û wayîrê vîrameyîşanê şehîdan vejîyê ke no mesuldarîya ma ya. Wa şarê ma 11ê çeleyî de seba ke bibo vengê Sakîne, Rojbîn, Fîdan, Evîn, Abdurrahman û Mîrî verê xo bido Parisî.''