Yadkerdişo ke lokalê Merkezê Komelê Kurdan ê Demokratîkî yê Malmo de ame kerdene bi deqayêkê rêzgirewtişî dest pêkerd.

Komîsyonê Keyeyanê Şehîdan ê Merkezê Komelê Kurdan ê Demokratîkî yê Gotebergî ra Ahmet Qamişloyî Têgêrayîşê Azadîya Kurdan ê şehîdan û girîngîya ci ya seba kurdan ercnayî. Qamişloyî ard ziwan ke pêro destkewteyê Kurdîstanî bi fedakarîya şehîdan ameyî destvistene û vat: "Îşxalê dewleta tirke yê Sûrîye û Rojawanî de zaf embazê ma şehîd bîyî. Têkoşîn do heta serkewtişî û resayîşê roşnîye dewam biko."

Endamê Heyetê Îdareyî yê Merkezê Komelê Kurdan ê Demokratîkî yê Skane Mehmet Şah Amedî zî îfade kerd ke bi hêrişê dewleta tirke yê vera Vakur û Rojhelatê Sûrîye hukmat û şarî vera dewleta tirke de bîyî wayîrê tewirêkî. Yadkerdiş bi slogananê ''Şehîdî Nêmirenî'' û ''Biciwîyo Serek Apo'' qedîya.