Paytextê Almanya Berlin de Mam Zekî Şengalî serrgêra 3. ya şehadetê xo de ame yadkerdene. Merasîmê yadkerdişî hetê rêxistinanê cinîyan ê êzidîyan û NAV-BERLINî ra ame serûberkerdene.

Nûre Alkiş merasîm de qisey kerd û da zanayene ke şexsê Mam Zekîyî de êzidîyî ameyî hedefkerdene. Komîteya Keyeyanê Şehîdan ra Dayê Gozê zî îfade kerd ke ganî têkoşînê Mam Zekîyî bêro berzkerdene û wayîrê şehîdan bêro vejîyayene.

Sîyasetmedar Raman Îmîrî qiseykerdişê xo de Hemleya 15ê Tebaxe fîraz kerde, şexsê Mam Zekîyî û Fermandar Egîdî de pêro şehîdî yad kerdî. Îmîrî vat: ''Ma deyndarê şehîdan ê. Mam Zekiyan, Zîlanan, Bêrîtanan û Egîdan rayberîya têkoşînê azadîye kerde.''

Merasîm pê sloganan qedîya.