Şaristanê Marsilya yê Fransa de serkêşîya Komalanê Ciwanan, TCŞ û TÊKO-JIN de bi şîarê 'Vera îşxal û îxanetî bêrê cengê azadîye' Festîvala Ciwanan a Şehîd Engîn Sîncerî ya 14. ameye kerdene. Warê festîvale pê alayanê PKKyî û posterê Rayberê Şarê Kurdî Abdullah Ocalanî xemilîya.

Warê festîvale de standan de kitabê Abdullah Ocalanî, kovarê ciwan û domanan û materyalî ca gênê. Ciwanî pê kincanê gerîilayan û merasîmêkî kewtî warê festîvale. Festîvale de hunermendê kurd û fransizî vejîyayî sehne ser.

Festîvale rixmê astengkerdişê şaredarîye zî bi coşî dewam kerde û şewe qedîyaye.

Nameyê TCŞyî ser o Welat Amedî eşkerayîya ciwanan wende û vat: ''Rixmê astengkerdişan zî şarê kurdî wayîrê festîvale vejîya. Nê prosesî de ke dewleta tirke bi hemkarîya PDKyî hêrişê Rojawan û Başûrî kena qîmetîn o ke şarê kurdî tewrê na festîvale bîyo.''

Festîvale de ciwananê enternasyonalîstan zî kulturê xo da şinasnayene.