Şaristanê Milanoyî yê Îtalya de seba şermezarkerdişê Komployê 15ê Sibate çalakîya rayraşîyayîşî ameye kerdene. Vengdayîşê Komîteya Kurdîstanî ser o temsîlkarê xeylêk rêxistinanê komelê sivîlî, şar û dostê kurdan tewrê rayraşîyayîşî bîyî. 

Qiseykerdişan de komplo ame şermezarkerdene, ame waştene ke tecrîdê vera Rayberê Şarê Kurdî Abdullah Ocalanî bêro wedaritene û o bêro azadkerdene.

Çalakîye de fotografê Abdullah Ocalanî, alayê PKK û KCKyî ameyî berzkerdene. Çalakîye de sloganê sey 'Biciwîyo Serek Apo', 'Bêserek cuye nêbena' ameyî vatene.