Vervatoxê Komîserîya Berze ya Heqanê Merdiman ê Neteweyê Yewbîyayeyî (NY) Rupert Colville da zanayene ke rixmê adirbirnayîşî vera Rojawanî hêrişî dewam kenê vat seba ke sivîlî nê hêrişan de zirar vînenî ma biqesawet ê.
Vervatoxê Komîserîya Berze ya Heqanê Merdiman ê Neteweyê Yewbîyayeyî (NY) Rupert Colville da zanayene ke rixmê adirbirnayîşî vera Rojawanî hêrişî dewam kenê. Colville vat bitaybetî cayê ke hêzê tikran û grûbê ke pabesteyê ci yê tede yê zaf hêrişî benê.
Colville vat 2ê kanûne de 8ê înan domanî 10 sivîlî hetê grûbanê tirkî ra Til Rifatî de nêzdîyê dibistanêk de ameyî qetilkerden û 12 sivîlî zî birîndar bîyî. Nê ke ameyî qetilkerdene heme efrinijî bî. Colville vat seba ke sivîlî nê hêrişan de zirar vînenî ma biqesawet ê û waşt ke heme dewletî goreyê huqûqê mîyanneteweyî têbigêrê.
