Newroze çar bajaranê Swîsre de ameye pîrozkerdene

Newroze bajarê Basel, Luzern, Cenevre û St. Gallenî yê Swîsre de ameye pîrozkerdene.

Bajarê Baselî de Newroze bi rayraşîyayîşêko bişemalan ameye pîrozkerdene. Nêzdîyê 500 Kurdistanijî Parka Claramatteyî de ameyî têhet û xoverdayoxê grevê vêşanîye silam kerdî. Girse bado bi şemalan heta Barfusserplatzî rayraşîyayîş kerd. Dimayê qiseykerdişan dormeyê adirê Newroze de govendî ameyî girewte.

LUZERN

Bajarê Luzernî de, Kurdistanijî teba dostanê ci ameyî têhet û verê pankarta ‘"Newroze pîroz bo” ke resimê şehîdanê Newroze ser o estê dest bi rayraşîyayîşî kerd. Girseyî heta Helvetiaplatz rayraşîyayîş viraşt û Newroze pîroz kerde.

CENEVRE

Bajarê Cenevre de zî bi rayraşîyayîşêko bişemalan Newroze ameye pîrozkerdene.

ST. GALLEN

Kantona St. Gallenî ya Swîsî de hetdaranê Partîzan û PKK'yî yê kampa bextwaşton a Landegg de Newroze pîroz kerde. Teba Kurdanê Vakur, Başûr û Rojakewtena Kurdistanî ra, merdimê şaranê Erebî, Efganî, Farsî û Arnavûtî zî tewrê pîrozkerdişî bîyî.