Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' warê mîyanneteweyîyî de bi hawayêkê aktîfî dewam kena. Beşdaranê Hemleya Azadîye ra fîlozof, edîtor, nuştox û pawitoxê heqanê merdiman Nils Anderssono ke Fransa ra yo, ma rê qalê Komployê Mîyanneteweyîyî, tecrîdê Îmraliyî û xoverdayîşê Rayberê Şarê Kurdî Abdullah Ocalanî kerd.

Anferssonî bale ante ser ke tecrîdo ke 26 serran ra nata Îmrali de dewam keno şermêka pîl a û vat: ''Ocalan hetê sîstemê kapîtalîzmî ra yeno tecrîdkerdene ke na rewşe nêna qebulkerdene. A raşte no sîstem şerma Ewropa ya. Ewro Rojawan (Ewropa) tersena ke hegemonyaya xo vinî bikera. Coka kesanê sey Abdullah Ocalanî xo rê sey tehdîtî vînena. Naye ra Ewropa verê tecrîdî de bêveng a. 

Fikrê Abdullah Ocalanî hem rexneyê kapîtalîzmî de hem zî binkewtişanê plananê şerî de dersan danê, seke sosyolojîyê azadîye yê. Abdullah Ocalan sere de kurdan şaran şinasneno û fam keno. Nê hetî ra rexneyê Ocalanî yê vera dewletanê neteweyîyan zaf raşt ê. Biewnê azadîya cinîyan bingeyanê paradîgmaya Ocalanî ra yew a û no fikr hinî mîyanê pêro komelan de beno vila. 

No keso ke wayîrê fikranê winayênan o û hêzê çareserîye yo yeno tecrîdkerdene. Tecrîd teyna meseleya merdimanê demokratan, şorişgêran yan zî yê sîyasîyan nîyo. Ganî çew şertanê tepişîyayîşê Ocalanî qebul nêkero. Abdullah Ocalan ganî vera bidîyo, nêro tecrîdkerdene. Tecrîd destpêkê tarîxî ra nata şiknayîşê îradeyê merdiman armanc keno. La Îmrali de komplogerî bin kewtî. Xoverdayîşê Îmraliyî hêzê merdiman, hêzê Abdullah Ocalanî eşkera keno. Îradeyê Ocalanî nêno şiknayene. 

Ewro fikrê Abdullah Ocalanî mîyanê komelanê Ewropa de zî xo rê terefdaran vînenê. Xora ganî Ewropa bi fikranê Ocalanî newe ra xo awan bikera û gandar biba. Ganî Ewropa bi taybetî çepgîrê Ewropa paştî bidê kurdan û kurdan reyde têkoşîn bikerê. Perspektîfê Ocalanî zî yewîya şaran pawenê. Coka ganî fîkrê Ocalanî bêrê esaskerdene.

Ganî tecrîdê vera Abdullah Ocalanî biqedo û o azad bibo. Wa na şerme biqeda. Caardişê azadîya Ocalanî erk û wezîfeyê ma yo.''