Nobeda Azadîye grûba Kasselî de ya
Çalakîya nobete ya Strasbourgî ya ke seba azadîya Rayberê Şarê Kurdî Abdullah Ocalanî yena viraştene, bi grubêka newe ya ke bajarê Kasselî yê Almanya ra ameya dewam kena.
Nobeta Ocalanî rê Azadîye ya ke bajarê Strasbourgî yê Fransa de yena viraştene, hewteyê 372’ine de hetê grûba Kasselî ra yena rayraberdene.
Nobetdarê nê hewteyî Kurdistanijê bi nameyê Rozerîn Kaçere, Sîlva Cemal Kobane, Seroxan Akad û Bedran Kobane yê ke bajarê Kasselî û dormeyê ci ra ameyê.
Seroxan Akad bi nameyê çalakwanan qisey kerd û bale ante serê tecrîdkerişê Rayberê Şarê Kurdî Abdullah Ocalanî û va: ‘’ Şarê Kurdo ke Ocalanî rê zaf çî deyndaro do çirey ey tena nêverdo. Şertî senî benê wa bibê do Ocalan azad bo.’’
Vervatoxê grûbe semedê tewrbîyayîşê Nobeta Azadîya veng da şarê Kurdî yê Ewropa û waşt ke çalakîye rê wayîr bivejîyê.
Çalakîya Nobeta Ocalanî rê Azadîye ya ke 25’ê Hezîran a 2012’î de dest pêkerdebî 7 serrî ra vêşêr o bêmabên dewam kena. Çalakîya Nobeta Ocalanî rê Azadîye ya ke bajarê Strasbourgî de yena viraştene ke sazîyê sey CPT, Mehkemeya Heqanê Merdiman a Ewropa û Parlamentoyê Ewropa ûca yê.
