Nobedarê nê hewteyî yê nobeta 'Ocalanî rê Azadî' ya ke kewt hewteyo 384., Kurdê Danîmarka yê.

Nobeta 'Ocalanî rê Azadî' ya ke 25'ê Hezîrana 2012 de şaristanê Strasbourgî yê Fransa de verê bînaya Konseya Ewropa de dest pêkerde, dewam kena. Nobedarê nê hewteyî Omer Harmanci, Mustafa A. Dîlek û Yaşar Kaya yê ke Danîmarka ra yê.

Beyanatê koma newîye de ame parekerdene ke bi mengan Rayberê Şarê Kurdî Ocalanî ra xebere nêna girewtene, coka Kurdî naye ra biqesawet ê. Beyanat de ame vatene ke zor û zehmetîya nê wextî de Kurdî xoverdayîşê xo her ca de kenê pîl.

Çalakîkeran bale ante  qerardarîya çalakîya 'Ocalanî rê Azadî' ser  ke 7.5 serran ra nat dewam kena û nobete heta ke Ocalan azad bibo bi qerardarî do dewam bika.

Çalakîkerî do heta peynîya hewteyî xîret bikê ke rayaumûmîye rê behsa têkoşînê Ocalanî bikê. Her hewte komêk şaristanêko cîya yê Ewropa ra tewrê çalakîye bena.