Nobeta Azadîye ya ke hetê Înîsîyatîfê Ocalanî rê Azadîye ra 25ê hezîrana 2012î de dîyabî destpêkerdene, hewteyê 526. de dewam kena.

Çalakîye no hewte hetê endamanê Merkezê Komelê Demokratîkî yê Kurdan ê Luzernî ra ameye dewrgirewtene. Koma nobete Abdûrrahîm Îlbaş, Muha Şahîn û Vecdî Îlhanî ra yena pê.

Abdûrrahîm Îlbaşî nameyê kome ser o qisey kerd û vist vîrî ke şarê kurdî 11 serrî yo verê dezgehanê Ewropa de çalakîye keno. Îlbaşî vat: ''La Ewropa xo ker, kor û lal kena.'' Îlbaşî îfade kerd ke şarê kurdî do bi rayîrê na çalakîye sûcê dezgehanê Ewropa tim eşkera keno.

Îlbaşî vat: ''Ma venga şarê Ewropa, şarê Kurdîstanî danê ke rojdemê ma yo sereke ganî Rayber Apo bibo. Çunke azadîya Rayber Apoyî azadîya Kurdîstanî ya.''