Nobeta Azadîye grûba Mannheîmî de ya
Çalakîya Nobeta Azadîye ya ke semedê azadîya Ocalanî vernîya Konseya Ewropa (KE) ya Strasbourgî de yena viraştene, hewteyê 367’ine de hetê grûba Mannheîmî ra yena domnayene.
Çalakîya Nobeta Azadîye ya ke semedê azadîya Ocalanî vernîya Konseya Ewropa (KE) ya Strasbourgî de yena viraştene, hewteyê 367’ine de hetê grûba Mannheîmî ra yena domnayene.
Çalakîya Nobeta Ocalanî rê Azadîye ya ke 25’Hezîran a 2012’î ra nata vernîya Konseya Ewropa (KE) ya bajarê Strasbourgî yê Fransa de yena viraştene hewteyo ravêrte de kewtebî serra 8’ine. Çalakîya ke o tarîxî ra heta nika bêmabên yena domnayene, hewteyê 367’ine de hetê grûba Mannheîmî ra yena dewamkerdene.
Grûba ke Halîs Dogan, Mahmût Yucel, Şaban Ataş, Azîz Aktaş û Ahmet Aktaş tede ca gênê bi eşkerayîyêk nê pare kerdî: ‘’ Pawitişê azadîya Rayberê Şarê Kurdî Abdullah Ocalanî wezîfeyê heme Kurdan o. Ganî Nobeta Azadîye hetê heme Kurdan ra bêro wayîrvejîyayene. Na çalakîye hem semedê Kurdan hem zî semedê merdimîye çalakîyêka bianor a. Ganî heme welatperwerî berpirsîyarîya xo bica bîyarê ke çalakîye hîna bihêz bo. Na çalakî ya ke heme bindestan eleqedar kena, ganî goreyê naye bêro destgirewtene û heme dinra rê bêro ramotene ke do çalakîyê ma heta azadbîyayîşê Ocalanî bêrê domnayene.’’