Çalakîya Nobeta Ocalanî rê Azadîye ya ke vernîya Konseya Ewropa (KE) ya bajarê Strasbourgî yê Fransa de yena viraştene hewteyê 363’ine de hetê grûba Frankfurtî ra  ameye dewrgirewtene.

Grûba ke nobede grûba Maînzî ra dewr girewte de Frankfurt ra welatperwerî Abbas Karataş, Alî Ûmût û Alî Dayî ca gênê û ewro do 4 kesê bînî tewrê ci bibê. Bi nameyê Kurdistanijanê ke Frankfurt ra tewrê çalakîye benê eşkerayîyêk ameye dayene û bale anciyaye serê muhîmîya rolê Ocalanî. Çalakgeran da zanayene ke semedê aşitîya Rojakewtena Mîyanêne ganî Ocalan azad bo. Nobeta Ocalanî rê Azadîye 25’ê Hezîran a 2012’î ra nata bêmabên yena domnayene û heta nika tewr tay 200 hezar kesî tewrê çalakîye bîyî.