Nobeta 'Ocalanî rê Azadîye' ya ke 25ê hezîrana 2012î ra nata şaristanê Strasbourgî yê Fransa de yena kerdene hewteyê 478. de bi koma Kielî dewam kena.

Nobetdarê nê hewteyî aktîvîstê Merkezê Komelê Demokratîkî yê Kurdan ê Kielî Meryeme Qamişlo, Rojîne Hesekê, Bedîa Demîr, Rênas Zerya û Mahmut Rojavayî yê. 

Meryeme Qamişlo nameyê kome ser o qisey kerd û îfade kerd ke tecrîdkerdişê Rayberê Şarê Kurdî abdullah Ocalanî yeno manaya qirkerdişê kurdan û îşxalê Kurdîstanî. Meryeme bêvengîya Ewropa ya vera tecrîdî zî şermezar kerde.

Meryeme vat: ''Abdullah Ocalan îradeyê kurdan o, rayîrê çareserîya haştîyane û demokratîke ya meseleya kurdan o. Ma hêrişê Tirkîya yê vera Şingalî zî şermezar kenê. Cinîyê kurdî do hesabê neyn bipersê. Pê zor û qirkerdişî çew nêeşkeno kurdan têkoşînî ra dûrî bigêro.''