Nobeta Azadîye ke semedê azadîya Rayberê Şarê Kurdî Abdullah Ocalanî Bajarê Strasbourgî yê Fransa de verê Konseya Ewropa de yena kerdene hewteyê 431. de bi qerardarîye yena rayraberdene.

Nobeta ke hewteyêyo ravêrte hetê endamanê TEV-ÇANDî ra ameye tepitene no hewte Têgêrayîşê Cinîyan ê Îskandînavya ra dewr girewete. Grûbe de cinîyê bi nameyê  Cihan Şengali, Menice Yigit Yildirim, Firiştha Muhamedi, Lida Weerts û Zeliha Dogan û domano kurd  Azad Şengali ca genê.

Mesajê endamanê Têgêrayîşê Cinîyan ê Îskandînavya de Hemleya 'Tecrîd, Faşîzm, Îşxalî rê Bes o, Wext Wextê Azadîye yo' ya KCKyî ameye wayîrvejîyayene. Eşkerayîye de wina ame vatene: ''Ma sey cinîyê Têgêrayîşê Cinîyan ê Îskandînavya ke çalakîya seba Rayberîye dewr girewte, bawer kenê ke wextê azadîye ame û ravêrno zî. Ganî hînî esaretê Rayberîya ma nêro qebulkerdene. Ma ça benê wa bibê ganî her waro ke ma tede ye ma semedê azadîya Rayber Apoyî bikerê warê têkoşînî. Ma sey cinîyî ganî hemle rê serkeşîye bikerê. Çunku cinîyî azadîya xo azadîya Rayber Apoyî de vînenê. Waştişê ma azadîya cinîyan û heme şaran ê bindestan o. Semedê naye zî Rayber Apoyo ke felsefeya azadîya merdimîye aver berde, ganî zîndan de nêbo.''

Çalakîya Rayberê Şarê Kurdî Abdullah Ocalanî rê Azadîye 25ê hezîrane 2012î ra nata yena rayraberdene.