Nobeta 'Ma Cuye Pawenê' ya ke hetê Yewîya Hêzan ê Demokratîkan ê Ewropa (ADGB) ra şaristanê Baselî yê Swîsre de 3ê çeleyî de dîyabî destpêkerdene pê rayraşîyayîşê bi meşaleyan qedîyaye. Çalakîye de bale ameyêne antene îşkenceyê zîndananê Tirkîya ser.

Çalakîye de fotografê Garîbe Garîbe Gezer, Halîl Guneş, Abdulrezzak Şûyûr, Vedat Cem Erkmen, Îlyas Demîr û Aysele Tugluk ameyî berzkerdene û pankarta bi nuşteyê 'Nêbeno ke tepişteyê nêweşî terkê mergî bibê' ameye akerdene.

Nameyê ADGByî ser o Mîne Nazarî çalakîye de qisey kerd û ard ziwan ke her çiqas nobeta înan qedîyaye zî seba tepişteyanê nêweşan xoverdayîşê înan do dewam bikero.