Çalakîya nobete ya ke seba azadîya Rayberê Şarê Kurdî Abdullah Ocalanî vernîya Konseya Ewropa (KE) ya bajarê Strasburgî yê Fransa de yena viraştene, hewteyê 374’ine de hetê cinîyan ê Îskandînavya ra yena rayraberdene.
Çalakîya Nobeta Ocalanî rê Azadîye ya ke 25’ê Hezîran a 2012’î deve vernîya Konseya Ewropa de dest pêkerdebî, no hewte cinîyan ê Kurdan ê binameyê Ozan Fîgene, Şîrîn Tokpinare, Mîna Kadirî û Sutîye Emma yê ke Îskandînayara ameyî yena rayraberdene.
Bi nameyê grûbe Ozcan Fîgene ard ziwan ke heta azadîya Ocalanî ê do nobet de bê. Vervatoxê grûbe bale ante hêrişê şaredarîyanê HDP’yî û vat faşîzmê dewleta Tirkî reyna rîyê xo yo leyşin ramot. Nê hêrişê vera îradeyê şarê Kurdî ê Erdogan û dewleta Tirkî ma şermezar kenê. Ma sey cinî û şarê Kurdî do tim kişta Rayberê Şarê Kurdî Abdullah Ocalanî û Mucadeleyê Azadîye yê Kurdî de bê. Ganî pêroyê kesê bianorî vera faşîzmê Erdoganî xoverdayîş gird bikerê.
