Çalakîya Nobeta Ocalanî rê Azadîye ya ke 25’Hezîran a 2012’î ra nata vernîya Konseya Ewropa (KE) ya  bajarê Strasbourgî yê Fransa de yena viraştene no hewte endamanê FEDA dewr girewte. Grûbe de Jinda Denîze, Derya Tosûne, Şahîn Polat û Mûstafa Aslan ca genê.

Binameyê endamanê Federasyonê Elewîyan ê Demokratîkî (FEDA) Şahîn Polat qisey kerd. Polatî vist vîrî ke nobete kewta hewteyê 375’ine û ard ziwan ke seba ke çalakîye bireso amence xo ganî xoverdayîş bêro girdkerdene. Polatî bale ante polîtîkaya hêrişkare ya dewleta Tirkî ser û vat: ‘’No zîhnîyeto ke Rayberê Şarê Kurdî yo ke bi mîlyonan kesî sey îradeyê xo vînenê, nêvînayîş ra yeno ganî bêro bedilnayene. Tena Kurdî û Elewîyî nê heme şarê û îtîqatê bînî yê herême zî raştê hêrişan yenê. Xora ewro Kurdîstanî de şaredarîyê ke bi îradeyê şarî ameyî vîjnayene nê zî bi qeyûman ameyî îşxalkerdene. Ganî ma her ca de vengê xo berz bikerê û mucadeleyî xurt bikerê.’’