Çalakîya nobete ya ke seba azadîya Rayberê Şarê Kurdî Abdullah Ocalanî vernîya Konseya Ewropa (KE) ya bajarê Strasbourgî yê Fransa de yena viraştene  hewteyê 377’ine de ya.

Nobeta Ocalanî rê Azadîye ya ke 25’Hezîran a 2012’î ra nata vernîya Konseya Ewropa (KE) ya bajarê Strasbourgî yê Fransa de yena viraştene no hewte hetê grûbêkê ciwanan a Strasbourgî ra ameye dewrgirewtene.

Nobeta ke hetê Pelda Emrah û Erhanî ra ameye dewrgirewtene de do derheqê cuya û xoverdayîşê Ocalanî û Têgêrayîşê Azadîyê Kurdistanî de vilawekî bêrê vilakerdene.

Çalakîya Nobeta Ocalanî rê Azadîye ya ke 25’ê Hezîran a 2012’î de dest pêkerdebî 7 serrî ra vêşêr o bêmabên dewam kena. Çalakîya tewr derge ê Kurdan Nobeta Ocalanî rê Azadîye heta nika 2 hezar ra zafêr Kurdî û dostê înan tewrê ci bîyî.