Çalakîya nobete ya seba azadîya Rayberê Şarê Kurdî Abdullah Ocalanî Strasbourg de vernîya Konseya Ewropa (KE) de yena viraştene her hewte bajaranê cîya-cîya yê Ewropa Kurdistanîjî tewrê ci benê.

Çalakîya nobete ya ke hewteyo verên hetê grûbêka bajarê Kasselî ra ameye rayraberdene, no hewte Kurdê  bi nameyê Bariş Aydogan, Emîn Emektar û Osman Osman ê ke Giessen ra ameyî dewr girewte.

Bariş Aydogano ke bi nameyê grûbe qisey kerd vat: ‘’ Kurdê ke  bi serran o na çalakîye danê domnayene tena waştişê înan azadîya Rayberîya înan o. Hinî sebirê ma nêmend. Wa çew ma bi naye îmtîhan mekero. Konseya Ewropa (KE) û Komîteya Vernîgirewtişê Îşkenceyî (CPT) ganî  wezîfeyê xo bica bîyarê û wa hînî şarî qurbanê polîtîkayanê dirîyan  mebê.’’