Çalakîya nobete ya ke seba azadîya Rayberê Şarê Kurdî Abdullah Ocalanî vernîya Konseya Ewropa (KE) ya bajarê Strasburgî yê Fransa de yena viraştene, hewteyê 378’ine de hetê Kurdan ê Salzgîtterî yena rayraberdene.
Çalakîya Nobeta Ocalanî rê Azadîye ya ke 25’ê Hezîran a 2012’î de vernîya Konseya Ewropa de dest pêkerdebî, her hewte bi grûbêka neweye dewam kena. Çalakîya ke hewtêyo ravête hete grûba Strasbourgî ra ameye girewtene no hewte hetê grûba ke bajarê Salzgîtterî yê Almanya ra ameye ra ameye dewr girewtene.
Grûba ke Alî Bîlîncî, Cûma Acar, Suleyman Ozkalkan, û Şexmûs Guner tede ca gênê eşkerayîyêk daye û ard ziwan ke ê polîtîkaya tecrîdî ya vera Ocalanî qebûl nêkenê. Eşkerayîye de bale ameye antene serê bêhuqûqîya dewleta Tirkî ser û ame vatene ke hînî tehamule şarê Kurdî nêmendo. Çalakgeran veng da şarê Kurdî yo ke Ewropa de yo û waşt çalakîyê ke semedê azadîya Ocalanî yenê viraştene wa hîna zaf tewrê înan bibê.
