Çalakîya Nobeta Ocalanî rê Azadîye ya ke 25’ê Hezîran a 2012’î de vernîya Konseya Ewropa de dest pêkerdebî, her hewte bi grûbêka neweye dewam kena. Çalakîye no hewte hetê grûba Swêd ra ameye ra ameye dewrgirewtene. Grbûbe de Dîrvan Bakûr, Hamît Nerjî Dersim Ercan, Halîl Ozberk û Kekjîn Qamişlo ca gênê.

Çalakgeran ra Çekjîn Qamişlo ke bi nameyê grûbe qisey kerd bale ante muhîmîya nobete ser û va: ‘‘Tena Ocalan eşkeno Rojakewtena Mîyanêne de bi projeyanê xo çareserîye bîyaro. Ewro verê çimanê dîya de vera Kurdan qirkerdişî bênê. La dinya vera hêrişanê serê Kurdan û tecrîdê Îmraliyî bêveng a. Komîteya Vernîgirewtişê Îşkenceyî (CPT) ganî wezîfeyê xo bica bîyaro û şarê Kurdî yê Ewropa zî hînî zaf wayîrê Nobeta  Ocalanî rê Azadîye bivejîyo.‘‘

Hewteyo ravêrte Swîsre ra aktîvîstanê Têgêrayîşê Azadîye yê Cinîyan ê Ewropa (TJK-E)  ra grûbêk nobete girewtebî xoser. Çalakîya Nobeta Azadîye ya ke 25’ê Hezîrane 2012 ra nata yena domnayene menge de tewr tay rayêk hetê pabesteyanê TJK-E ra yena rayraberdene. Çalakîya Nobeta Ocalanî rê Azadîye ya ke 7 serrî ra vêşêr o bêmabên dewam kena çalakîya tewr derge ê Kurdan a û heta nika 2 hezar ra zafêr Kurdî û dostê înan tewrê ci bîyî.