Çalakîya Seba Ocalanî Azadîye ya ke 8 serran ra nata dewam kena pê qerardarî dewam kena. Nobetdarê nê hewteyî zî komêka 4 kesan a ke şaristanê Duisburgî yê Almanya ra tewrê nobete bîyî. Nameyê çalakîkeranê nê hewteyî; Dirêj Semsûr, Karaman Çelîk, Mehmet Akyol û Mahmur Demîr ê.

Nameyê kome ser o eşkerayîyêke ameye dayene û ame vatene ke çalakîye pê bawerîya azadîya Ocalanî serra 9. de zî pê qerardarîye do dewam bikera. Endamanê kome venga welatperweranê kurdan ê Ewropa da ke wayîrê têkoşîn, şehîdan û Rayber Apoyî bivejîyê.

Nobeta Seba Ocalanî Azadîye 25ê hezîrana 2012î de dest pêkerd û çalakîye nobete verê Mehkemeya Heqanê Merdiman a Ewropa, Parlamentoya Ewropa, Komîteya Vergirewtişê Îşkenceyî ya Konseya Ewropa de yena kerdene.