Hêzanê Operasyonê Asayîşê Mendeyî da zanayene ke operasyono ke Kampa Holî û dormeyê ci de ame kerdene qedîya û operasyon de 79 çeteyî ameyî tepiştene.

Hêzanê Operasyonê Asayîşê Mendeyî bi kombîyayîşêkî eşkera kerd ke operasyonê înan o ke Kampa Holî û dormeyê ci de vera hucreyanê DAÎŞî dîya destpêkerdene, qedîya.

Eşkerayîye kudkî heta Berpirsîyara Çapemenîye ya YPJyî Rukene Cemal û erebkî zî hetê Fermandarê Hêzanê Asayîşê Zereyî Qehreman Muradî ra ameye wendene.

Eşkerayîye de wina ame vatene:''Operasyonê Asayîşê Mendeyî yo ke hetê Hêzanê Surîyeya Demokratîke, Hêzê Asayîşê Zereyî û Yewîyanê Hêzanê Cinîyan (YPJ) ra ame destpêkerdene roja 7ine de qedîya. Hêzanê Asayîşî nê rojan de Kampa Holî û dormeyê ci de cigêrayîş û kontrol kerd. Bi paştdayîşê Koalîyonê Mîyanneteweyîyî û bi tewrbîyayîşê 5 hezar şervanan operasyon ame kerdene.

Hêzanê Operasyonî pîya bi operasyonê xo yê cigêrayîşî yê bigeyî Hol, Til Hemis, Til Koçer û vakurê Hesekê de 60î ra zafêr cayê hucreyanê çeteyan îmha kerdî.

Operasyon de 79 çeteyî ameyî tepiştene û muhîmatê bombayan zî tede xeylê çekî ameyî destfînayene. 17 cinîyê hetkarê huceyanê çeteyan gerîyayî îfade. Kamp de xeylê cîhazê elektronîkî û malzemeyê DAÎŞî ameyî destfînayene.''