Operasyonê asayîşî yo ke Kampa Holî ya Rojawanî de hetê Hêzanê Asayîşê Zereyî ra  vera çeteyanê DAÎŞî dîya destpêkerdene, roha diyîne de dewam keno. Operasyono ke hêzê QSD û YPJyî zî paştî danê ci kampe de û dormeyê ci de cigêrayîşî yenê kerdene.

Operasyon roja diyîne de beşa diyîne ya kampe de saetanê serê sibayî dest pêkerd.  Cigêrayîşanê Hêzanê Asayîşê Zereyî de 16 çeteyê DAÎŞî pîya bi 3 çekanê kalaşnîkofan, 2 tabancayan û xeylê mermîyan ameyî destfînayene.

Operasyono ke hetê QSD, YPJ, Hêzanê Asayîşê Zereyî ra yeno rayraberdene roja diyîne de dewam keno.

Kampa Holî de 35 hezar û 323 kesî ciwîyenê. Nînan ra 13 hezar û 124 kesî macîrê iraqij ê. Kesê ke kampe de manenê, zafê înan merdimê çeteyanê DAÎŞî yê. Çeteyê DAÎŞî tim kenê ke kampe de aktîf bê û domanan bi fîkranê radîkalan rêxistine bikerê.