Paytextê Norwêçî Oslo de seba paştdayîşê Kurdîstanî û azadîya Rayber Apoyî warê îstasyonê trênan de konser ame kerdene.Federasyonê Komeleyanê Kurdan ê Norwêçî (NCDK-OSLO) konser serûber kerd.

Destpêkê konserî de Komîteya Amadekarîye ser o Serhildan Reşkoyî qisey kerd. Reşkoyî pare kerd ke ganî seba azadîya Rayber Apoyî têkoşîn bêro pîlkerdene. 

Temsîlkarê Têgêrayîşê Azadî yê Ewropa Omer Aminî qalê hêrişanê dewleta tirke ya îşxalkere kerd û PDK şermezar kerd.

Serekîya Sendîkaya Osloyî Loyî ra Ingunn Gjerstadî îfade kerd ke seba haştîye û çareserîya meseleya kurdan ganî Rayber Apoyî de pêvînayîşî bêrê kerdene û o azad bibo.

Konser de sloganê sey “Ji Rêber Apo re azadî, ji Kurdistanê re aştî” û “Jin Jiyan Azadî” ameyî vatene û muzîsyenî Knut Reiersrud & Marit Halvorsen, Xavier Valverde û Welat Kobanê ve Nejman Sindî vejîyayî sehne ser.