Paytextê Fransa Paris de di qirkerdişanê vera kurdan de Sakîne Cansiz (Sara), Fîdane Dogan (Rojbîne), Leyla Şaylemez (Ronahî), Emîne Kara (Evîne Goyî), Mîr Perwer û Abdurrahman Kizil ameyî qetilkerdene. Seba ke qetilkerdoxan ra hesab bêro persayene kurdîstanijî û dostê înan ke Paris de ameyî têhet, serkêşîya TJK-E de dest pê rayraşîyayîşî kerd.

Seba ke hema wird qirkerdişê Parisî nêameyî roşnkerdene û şarê kurdî û dostê înan zaf hêrsbîyaye yê. Şarî seba ke waştişê caardişê heqîqatî bîyarê ziwan şefeqê sibayî de Meydanê  Paris du Nordî ameyî têhet. Rayraşîyayîş do heta Meydanê Republique dewam bikero û dima ra mîtîng bêro kerdene. Mîtîng de do xeylêk sîyasetmedar û îdarekaranê dezgeh û sazgehanê  kurdan û Fransa qisey bikerê û mesajê KJKyî bêro wendene.

Welatanê cîya cîyayan ê Ewropa ra kurdî û dostê înan bi 200 otobusan şîyî Parisî. Goreyê zanayîşê ke Komîteya Hazirkerdişê Rayraşîyayîşî ra ameyî girewtene nê welat û bajaran ra kurdî û dostê înan tewrê rayraşîyayîşî bîyî.

"Almanya: Essen, Velbert, Gelsenkirchen, Bielefeld, Freiburg, Emmendingen, Luhr, Offenburg, Bocholt, Emmerich, Kleve, Goch, Wesel, Dinslaken, Marxloh, Duisburg, Oberhausen, Mülheim a.d. Ruhr, Moers, Dortmund, Meschede, Neheim, Hagen, Hamburg, Bremen, Tübingen, Maichingen, Bad Cannstatt, Heilbronn, Esslingen, Ludwigsburg, Hanau, Mainz, Gießen, Dieburg, Darmstadt, Heppenheim, Bensheim, Mannheim, Neunkirchen, Merzig, Beckingen, Völlingen, Frankfurt, Osnabrück, Münster, Gifhorn, Braunschweig, Hildesheim, Hannover, Düsseldorf, Wuppertal, Krefeld, Mönchengladbach, Köln.

Swîsre: St.Galen, Winterthur, Rapperswil, Zürich, Zug, Luzern, Biel, Bern, Basel, Solothurn, Aarau, Lozan, Cenevre.

Belçika: Verviyes, Liege, Brussel, Charlorie, Anvers, Leuven, Genk.
Hollanda: Amsterdam, Den Haag, Rotterdam, Arnhem, Eindhoven."